පන්ති භාර ගුරුතුමාට නොරිස්සූ කවි හිත

යන එන තැන එවිට මිහිරම         දැනීයන්

කන බොන තැන මෙතන රසයම දැනීයන්

ගෙන යන දේ වඩා ඉගෙනුම  ගෙනේයන්

යන තැන මෙතන දැනුමම         ලැබීයන්

ගිය තැන පළමු කොට වැන්දේ බෝධිරජ

රජ කළ තැනය මණි අඛ්ඛිත       නාගරජ

වැඩ සිටි තැනය අප ලොව්තුරු  මුණිදුරජ

ගිය තැන එතන සිත් ගත්තේ    කරපු රජ

දෙවෙනි කොට ගියේ මැදුර             කට

ස්වාභාවිකව වායුව සමන            කොට

ඇති බව කියුව තැන එය               එවිට

වැදගත් තැනක් බව සිතෙහී සිතුනි   මට

තෙවෙනුව ගියේ මණ්ඩපයට            ශ්‍රීපාලී

නැ‍ටුමට ගායන කළාවට                     පාලී

ඒ තැන එයට ගැලපේ නිසි            මනහාරී

අද විදුහලකි එය ගෙන එන ජය පෙළ පාලී

පහියන් හිමිය වෙසුවේ ගල් ලෙන    තුලය

නැග ගෙන ගියේ අපමණ පඩි        පෙළය

එය දැක මගේ හිත දැන් ගෙන       හෙළය

දැනුනේ සතුට අවසානය විය         එලෙස

ගෙන එන සතුට ලොව ඇති රස මන ලෝළී

ගත වැකි දා දියට ඇති රස නම් ගත   ලෝළී

දැන ගත් දේට එහි ඇති ණැන හිත    ලෝළී

තව චාරිකාවක් යයි නම් මම             ලෝළී

අවසන මෙයයි අද මගෙ මේ කවි         සිතට

අවසන එයයි එය අපෙ මේ පොඩි        හිතට

රසදුන මෙයයි එය අපගේ මේ            හිතට

අවසන මෙයයි කවියෙන් පතමි ආසිරි ඔබට

මෙම කවි පෙළ ලියා දුන් කඩදාසිය ඉරා දැමූ පන්ති භාර ගුරුතුමාගේ පහන් සංවේගය උදෙසා මෙලෙස සටහන් කොට තබමි. පාසල් අධ්‍යාපන චාරිකාව ගැන ඇති කවි, නිසදැස් තරගයට ලියා දෙන්න යැයි කිවූ නිසා ලියා දුන්නත් කොළය ඉරා දැමූ නිසා එම තරගයට මා ‍තෝරා ගත්තාදැයි මා නොදනී. දැන ගැනීමට උවමනාවක්ද නොමැත.

- රන්වන් මකරා -